ఈ రోజు నుంచి సెమినార్లు ప్రారంభం
హైదరాబాద్, అక్టోబర్ 20: ప్రైవేటు ఎలక్ట్రిషియన్లకు మూడు రోజుల పాటు టెక్నికల్ శిక్షణ అందించనున్నట్టు తెలంగాణ ఎలక్ట్రికల్ వర్కర్స్ అసోసియేషన్ అధ్యక్షుడు నక్కయాదగిరి తెలిపారు. ఈ నెల 21 నుంచి మూడ్రోజుల పాటు టెక్నికల్ శిక్షణ తరగతులు, సెమినార్లు జరుగుతాయని చెప్పారు. ప్రైవేటు ఎలక్ట్రిషియన్లు తమ పనితీరును మెరుగుపరుచు కోవడానికి, విద్యుత్ ప్రమాదాలను అరికట్టడానికి ఇలాంటి శిక్షణ కార్యక్రమాలు, సెమినార్లు ఉపయోగ పడతాయని పేర్కొన్నారు.
సోమవారం, మంగళవారం రెండు రోజులు మదీనాగూడలోని రవీలా గ్రాండ్ బాంకెట్ హాల్ లో అదేవిధంగా బుధవారం నాగోల్ లోని వైట్ పర్ల్ బాంకెట్ హాల్లో ఉదయం 10:30 నుంచి సాయంత్రం 6 గంటల వరకు టెక్నికల్ సెమినార్ ఉంటుందని యాదగిరి వెల్లడించారు. గ్రేటర్ హైదరాబాద్ పరిధిలోని ప్రైవేట్ ఎలక్ట్రిషియన్లు ఈ టెక్నికల్ సెమినార్ ను సద్వినియోగం చేసుకోవాలని నక్క యాదగిరి కోరారు.
