తెలంగాణ ఇంటర్ ఫలితాలు విడుదల:  సత్తా చాటిన బాలికలు

హైదరాబాద్, ఏప్రిల్ 22: తెలంగాణ రాష్ట్ర ఇంటర్మీడియట్ బోర్డు (TSBIE) మంగళవారం   ఇంటర్ ఫస్ట్ ,  సెకండ్ ఇయర్ వార్షిక పరీక్ష ఫలితాలను విడుదల చేసింది. నాంపల్లిలోని ఇంటర్ బోర్డు కార్యాలయంలో డిప్యూటీ చీఫ్ మినిస్టర్ మల్లు భట్టి విక్రమార్క ఫలితాలను ప్రకటించారు.

ఈ ఏడాది జరిగిన పరీక్షల్లో మొత్తం 9.96 లక్షల మంది విద్యార్థులు పాల్గొనగా, 1,532 కేంద్రాల్లో మార్చి 5 నుంచి 25 వరకు పరీక్షలు సజావుగా నిర్వహించారు.

ఇంట‌ర్ ఫ‌లితాల్లో బాలిక‌లు స‌త్తాచాటారు. ఇంట‌ర్ ఫ‌స్టియ‌ర్ ఫ‌లితాల్లో 66.89 శాతం ఉత్తీర్ణ‌త న‌మోదైంది. బాలిక‌లు 73.83 శాతం, బాలురు 57.83 శాతం ఉత్తీర్ణ‌త సాధించారు. ఫ‌స్టియ‌ర్ ప‌రీక్ష‌ల‌కు 4,88,430 మంది హాజ‌రు కాగా 3,22,191 మంది ఉత్తీర్ణ‌త సాధించారు.

సెకండియ‌ర్‌లో 71.37 శాతం ఉత్తీర్ణ‌త న‌మోదు కాగా, బాలిక‌లు 74.21 శాతం, బాలురు 57.31 శాతం ఉత్తీర్ణ‌త సాధించారు. సెకండియ‌ర్ ప‌రీక్ష‌ల‌కు 5,08,582 మంది హాజ‌రు కాగా… 3,33,908 మంది ఉత్తీర్ణ‌త సాధించారు.

ఇంటర్ ఫస్ట్ ఇయర్‌లో 4,88,430 మంది విద్యార్థులు పరీక్షలకు హాజరు కాగా వారిలో 3,22,191 మంది ఉత్తీర్ణత సాధించారు. బాలికల ఉత్తీర్ణత శాతం 73.83 శాతంగా నమోదు అయ్యింది, బాలురు 57.83 శాతంగా నమోదు కావడం గమనార్హం. అదేవిధంగా, సెకండ్ ఇయర్‌లో 5,08,582 మంది హాజరు కాగా వారిలో 3,33,908 మంది ఉత్తీర్ణులయ్యారు. బాలికల ఉత్తీర్ణత శాతం 74.21 శాతంగా ఉండగా, బాలురు 57.31 శాతం మాత్రమే ఉత్తీర్ణత సాధించారు. ఈ ఫలితాల్లో బాలికలు బాలురి కంటే గణనీయంగా ఉత్తీర్ణత సాధించి మెరుగైన ప్రదర్శనను కనబరిచారని అధికారులు పేర్కొన్నారు.

విద్యార్థులు తమ ఫలితాలను ప్రభుత్వ అధికారిక వెబ్‌సైట్ https://results.cgg.gov.in/ లేదా https://tgbie.cgg.gov.in/ లో తమ హాల్ టికెట్ నంబర్‌ను ఎంటర్ చేసి తెలుసుకోవచ్చు. అవసరమైతే, సమస్యల కోసం IVR నంబర్ 9240205555 లేదా ఇమెయిల్ helpdesk-ie@telangana.gov.inని సంప్రదించవచ్చు.

అన్ని సమాజాల నుంచి వచ్చిన విద్యార్థుల ప్రదర్శనను ప్రశంసించిన డిప్యూటీ సీఎం, విద్యార్థులు తమ మునుపటి విజయాలను కొనసాగించి ఉన్నత విద్యలో మంచి భవిష్యత్తును అందుకోవాలని పిలుపునిచ్చారు.

ఫలితాల అనంతరం రీకౌంటింగ్ లేదా రీవెరిఫికేషన్ కోసం వారం రోజుల పాటు అవకాశం ఉందని, ఫలితాలతో సంతృప్తి చెందని విద్యార్థులు మే 22 నుంచి నిర్వహించే సప్లిమెంటరీ పరీక్షలకు హాజరు కావచ్చని బోర్డు పేర్కొన్నది. ఈ సందర్భంగా, విద్యార్థుల కోసం మరింత మెరుగైన విద్యా సౌకర్యాలను అందించేందుకు ప్రభుత్వం కట్టుబడి ఉందని మల్లు భట్టి విక్రమార్క తెలిపారు.