వర్షంలోనూ మొక్కలు కొనేందుకు వచ్చిన మొక్కల ప్రియులు
హైదరాబాద్, సెప్టెంబరు 01
వర్షంలోనూ ప్రకృతి ప్రియులు మొక్కలు తీసుకోవడానికి నెక్లెస్రోడ్ పీపుల్స్ ప్లాజాకు పరుగులు తీశారు. ఒకవైపువర్షం వస్తున్నా లెక్క చేయకుండా నర్సరీ మేళాకు వచ్చి తమకు కావాల్సిన మొక్కలు తీసుకువెళ్లారు. నెక్లెస్రోడ్ పీపుల్స్‌ప్లాజాలో జరుగుతున్న ఆలిండియా హార్టికల్చర్‌, అగ్రికల్చర్‌షో కు నగర ప్రజలను అమితంగా ఆకట్టుకుంటోంది. ఈ ప్రదర్శన లో వర్టీకల్ గార్డెనింగ్, హైడ్రోఫోనిక్ సిస్టమ్, టెర్రస్ గార్డెనింగ్, వంటి నూతన టెక్నాలజీ ఈ ప్రదర్శన లో ప్రత్యేకంగా నిలిచాయి.
కిచెన్, అవుట్ డోర్, ఎక్ సోటిక్ టిక్, బల్బ్, సీడ్, సీడ్ లింక్స్ ,ఇండోర్, ఆడినియం, బోన్సాయ్, క్రీపర్స్, ఫ్లవర్స్, ఇంపోర్టెడ్ ప్లాంట్స్ ప్రదర్శించారు. దేశవ్యాప్తంగా డార్జిలింగ్, కోల్కతా, ఢిల్లీ, హర్యానా, ముంబయి, బెంగుళూరు, పూణే, షిర్డీ, కడియం, చెన్నై తెలంగాణ, ఆంధ్రా తదితర ప్రాంతాల నుంచి వచ్చిన స్టాల్స్‌ ప్రదర్శిస్తున్నారు. బోన్సాయ్ వృక్షాలు, పూలు, పండ్ల మొక్కలు అబ్బురపరుస్తున్నాయి. సోమవారం వరకు రాత్రి 9గంటల వరకు హార్టీకల్చర్ షో ప్రజలకు అందుబాటులో ఉంటుందని షో ఇంచార్జీ ఖాలీద్‌ అహ్మద్‌ అన్నారు.
