తెలంగాణ స్థానిక సంస్థల ఎన్నికల షెడ్యూల్ విడుదల
హైదరాబాద్, సెప్టెంబర్ 29 (వెలుగు):
రాష్ట్రంలో స్థానిక సంస్థల ఎన్నికలకు మోగిన నగారా. ఎన్నాళ్లుగానో ఎదురుచూస్తున్న ఎన్నికల సమరానికి తెరలేచింది. రాష్ట్ర ఎన్నికల కమిషనర్ రాణి కుముదిని సోమవారం ఎన్నికల పూర్తి షెడ్యూల్ను విడుదల చేశారు. ఈ ప్రకటనతో రాష్ట్రవ్యాప్తంగా ఎన్నికల ప్రవర్తనా నియమావళి (ఎన్నికల కోడ్) తక్షణమే అమల్లోకి వచ్చినట్లు ఆమె స్పష్టం చేశారు.
రాణి కుముదిని వెల్లడించిన వివరాల ప్రకారం, మొత్తం ఐదు దశల్లో ఎన్నికల ప్రక్రియను పూర్తి చేయనున్నారు. ముందుగా మండల పరిషత్, జిల్లా పరిషత్ ప్రాదేశిక నియోజకవర్గాల (ఎంపీటీసీ, జడ్పీటీసీ) ఎన్నికలను రెండు విడతల్లో జరపనున్నారు. అనంతరం గ్రామ పంచాయతీ సర్పంచ్ ఎన్నికలను మూడు విడతల్లో నిర్వహిస్తారు. సర్పంచ్ ఎన్నికలన్నీ పూర్తయ్యాకే ఎంపీటీసీ, జడ్పీటీసీ ఎన్నికల ఫలితాలను ప్రకటిస్తామని ఆమె స్పష్టం చేశారు.
ఎంపీటీసీ, జడ్పీటీసీ ఎన్నికలు – తొలి విడత
- నామినేషన్ల స్వీకరణ: అక్టోబర్ 9 నుంచి 11 వరకు
- పరిశీలన: అక్టోబర్ 12
- నామినేషన్ల ఉపసంహరణ: అక్టోబర్ 15
- పోలింగ్: అక్టోబర్ 23
- ఓట్ల లెక్కింపు: నవంబర్ 11
ఎంపీటీసీ, జడ్పీటీసీ ఎన్నికలు – రెండో విడత
- నామినేషన్లు: అక్టోబర్ 13 నుంచి 15 వరకు
- పరిశీలన: అక్టోబర్ 16
- నామినేషన్ల ఉపసంహరణ: అక్టోబర్ 19
- పోలింగ్: అక్టోబర్ 27
- ఓట్ల లెక్కింపు: నవంబర్ 11
గ్రామ పంచాయతీ ఎన్నికలు – తొలి విడత
- నామినేషన్లు: అక్టోబర్ 17 నుంచి 19 వరకు
- పరిశీలన: అక్టోబర్ 20
- ఉపసంహరణ: అక్టోబర్ 23
- పోలింగ్, ఫలితాలు: అక్టోబర్ 31
గ్రామ పంచాయతీ ఎన్నికలు – రెండో విడత
- నామినేషన్లు: అక్టోబర్ 21 నుంచి 23 వరకు
- పరిశీలన: అక్టోబర్ 24
- ఉపసంహరణ: అక్టోబర్ 27
- పోలింగ్, ఫలితాలు: నవంబర్ 4
గ్రామ పంచాయతీ ఎన్నికలు – మూడో విడత
- నామినేషన్లు: అక్టోబర్ 25 నుంచి 27 వరకు
- పరిశీలన: అక్టోబర్ 28
- ఉపసంహరణ: అక్టోబర్ 31
- పోలింగ్, ఫలితాలు: నవంబర్ 8
రాష్ట్రంలోని 31 జిల్లాల్లోని 555 మండలాల పరిధిలో ఈ ఎన్నికలు జరుగుతాయని కమిషనర్ వివరించారు. మొత్తం 5749 ఎంపీటీసీ, 565 జడ్పీటీసీ స్థానాలకు పోలింగ్ జరగనుందని తెలిపారు. ఇందుకోసం 1.12 లక్షల పోలింగ్ కేంద్రాలను ఏర్పాటు చేసినట్లు చెప్పారు. రిజర్వేషన్లకు సంబంధించిన గెజిట్ను ఆదివారం సాయంత్రం విడుదల చేసినట్లు ఆమె వెల్లడించారు.
ఈ ఎన్నికల షెడ్యూల్తో రాష్ట్రంలో రాజకీయ వాతావరణం మరింత వేడెక్కనుంది. గ్రామీణ స్థాయిలోనే ప్రజా ప్రతినిధుల భవిష్యత్తు నిర్ణయించే ఈ ఎన్నికలు సర్వత్రా ఆసక్తిని రేకెత్తిస్తున్నాయి.
