ఓబీసీ మోర్చా ఆధ్వర్యంలో భారీ ర్యాలీ
హైదరాబాద్, జూన్ 28: బీజేపీ జాతీయ అధ్యక్షుడు నితిన్ నబీన్ కు ఘన స్వాగతం పలికేందుకు బీజేపీ తెలంగాణ ఓబీసీ మోర్చా ఆధ్వర్యంలో ఆదివారం భారీ ర్యాలీ నిర్వహించారు.
బీజేపీ తెలంగాణ రాష్ట్ర కార్యాలయం, నాంపల్లి నుంచి రాజీవ్ గాంధీ అంతర్జాతీయ విమానాశ్రయం వరకు నిర్వహించిన ఈ ర్యాలీకి బీజేపీ తెలంగాణ ఓబీసీ మోర్చా రాష్ట్ర అధ్యక్షుడు ఆనంద్ గౌడ్, బీజేపీ జాతీయ ఓబీసీ సభ్యుడు పెరిక సురేష్ సంయుక్తంగా నాయకత్వం వహించారు.
ఈ సందర్భంగా రాష్ట్ర ఓబీసీ మోర్చా జనరల్ సెక్రటరీ ప్రభాకర్ యాదవ్, రాష్ట్ర ఓబీసీ కార్యదర్శి వెంకటేష్, రాష్ట్ర కోశాధికారి ఎ. రమేష్తో పాటు ఓబీసీ మోర్చాకు చెందిన పెద్ద సంఖ్యలో నాయకులు, కార్యకర్తలు పాల్గొన్నారు.
ఈ ర్యాలీలో రెండు వేల మందికి పైగా ఓబీసీ నాయకులు, కార్యకర్తలు పాల్గొని పార్టీ పట్ల తమ ఐక్యత, నిబద్ధతను చాటిచెప్పారు. ప్రధానమంత్రి నరేంద్ర మోదీ నాయకత్వంలో, బీజేపీ జాతీయ అధ్యక్షుడు నితిన్ నబీన్ మార్గదర్శకత్వంలో పార్టీని మరింత బలోపేతం చేయాలనే సంకల్పంతో ఈ కార్యక్రమాన్ని నిర్వహించినట్లు నాయకులు తెలిపారు.
బీజేపీకి ఓబీసీ వర్గాల నుంచి లభిస్తున్న విశేష ఆదరణకు ఈ భారీ ర్యాలీ నిదర్శనమని వారు పేర్కొన్నారు.
