నేటి నుంచి ఫ్రెంచ్ ఓపెన్
ఆదివారం నుంచి జూన్ 11 వరకు టెన్నిస్ అభిమానులకు క్రేజ్‌
ప్యారిస్‌, మే 28
ప్రపంచ టెన్నిస్ క్రీడాభిమానుకు పసందైన మజా అందించే భారీ ఈవెంట్ ఫ్రెంచ్ ఓపెన్ గ్రాండ్ స్లామ్ టోర్నీ ఆదివారం ప్రారంభమైంది. టెన్నిస్ రంగంలో ప్రత్యేకంగా, రెడ్‌ సాయిల్‌ జరిగే పై మ్యాచ్ లకు పేరున్న ఫ్రెంచ్ ఓపెన్ గ్రాండ్ స్లామ్ అభిమానులను కేరింతల్లో ముంచెత్తనుంది. ఫ్రెంచ్ ఓపెన్ టోర్నీ జూన్ 11 వరకు క్రీడాభిమానుల్లో హుషారు ఎత్తించనుంది.
సరికొత్త సంచలన ఆటగాడు, వరల్డ్ నెంబర్ వన్ స్పెయిన్ క్రీడాకారుడు కార్లోస్ అల్కరాస్, దిగ్గజ క్రీడాకారుడు నోవాక్ జకోవిచ్ ల మధ్య ఆధిపత్య పోరుకు రోలాండ్ గారోస్ వేదికగా నిలవనుంది.
ఆదివారం మహిళల సింగిల్స్ పోటీల్లో రెండో ఈడ్ అరియానా సబలెంకా 6-3, 6-2తో ఉక్రెయిన్ అమ్మాయి మార్తా కొస్త్యుక్ ను వరుస సెట్లలో ఓడించింది.
పురుషుల సింగిల్స్ లో ఆదివారం జరిగిన మ్యాచ్‌లో ఐదో సీడ్ స్టెఫానో సిట్సిపాస్, 11వ సీడ్ కరెన్ కచనోవ్, ఏడో సీడ్ ఆండ్రీ రుబ్లెవ్ తదితరులు తొలి రౌండ్ మ్యాచ్ లు ఆడనున్నారు. మహిళల సింగిల్స్ లో అలైజ్ కార్నెట్, ఎనిమిదో సీడ్ మరియా సక్కారి, మూడో సీడ్ జెస్సికా పెగులా, 9వ సీడ్ దరియా కసాట్కినా తదితరులు పోటీపడనున్నారు.
