మూడు రోజులు అత్యంత భారీ వర్షాలు
సిటీకి రేపు, ఎల్లుండి రెడ్ వార్నింగ్
హైదరాబాద్, జులై 24: రాష్ట్రానికి వాతావరణ శాఖ రెడ్ అలర్ట్ జారీ చేసింది. మూడు రోజుల పాటు పలు జిల్లాల్లో అత్యంత భారీ వర్షాలు పడ్తాయని హెచ్చరించింది. మహబూబాబాద్, వరంగల్, హనుమకొండ, ఖమ్మం, నల్గొండ, సూర్యాపేట, రంగారెడ్డి, వికారాబాద్, సంగారెడ్డి, మెదక్, కామారెడ్డి జిల్లాల్లో అత్యంత భారీ వర్షాలు కురుస్తాయని తెలిపిన ఐఎండీ.. ఆయా జిల్లాలకు రెడ్ అలర్ట్‌ను ఇష్యూ చేసింది. మిగతా జిల్లాల్లో భారీ నుంచి అతిభారీ వర్షాలు పడతాయని చెప్పింది. ఆ జిల్లాలకు ఆరెంజ్ అలర్ట్‌ను ఇచ్చింది.
సిటీకి రేపు, ఎల్లుండి రెడ్
హైదరాబాద్ సిటీకి కూడా ఐఎండీ వార్నింగ్స్ ఇచ్చింది. మంగళవారానికి ఆరెంజ్ అలర్ట్‌ను జారీ చేసిన వాతావారణ శాఖ.. బుధ, గురువారాలకు రెడ్ అలర్ట్‌ను ఇష్యూ చేసింది. సిటీలోని అన్ని జోన్లకూ అతిభారీ వర్ష సూచనను చేసింది.
