
నెక్లెస్రోడ్లో గ్రాండ్ నర్సరీ ఉత్పత్తుల ప్రదర్శన
= దేశవ్యాప్తంగా ఉద్యాన, వ్యవసాయ ఉత్పత్తులు
= 150 స్టాల్స్ ఏర్పాటు, 5 రోజుల పాటు నిర్వహణ
హైదరాబాద్, ఆగస్టు 28
అగ్రికల్చర్, హార్టీకల్చర్ ఉత్పత్తులతో గ్రాండ్ నర్సరీ మేళాను ఏర్పాటు చేయనున్నట్లు మేళా ఇన్చార్జి ఖలీద్ అహ్మద్ తెలిపారు. నెక్లెస్ రోడ్ పీపుల్స్ ప్లాజాలో గురువారం నుంచి సెప్టెంబరు 2 తేదీ వరకు 5 రోజుల పాటు ప్రదర్శన ఉంటుందన్నారు. ఉదయం 9 గంటల నుంచి రాత్రి 9 గంటల వరకు మేళాను సందర్శించవచ్చని చెప్పారు.

ఈ మేళాను మంత్రులు తుమ్మల నాగేశ్వర్రావు, హార్టీకల్చర్ డైరెక్టర్ షేక్ యాస్మీన్ బాషా ప్రారంభిస్తారని తెలిపారు. టెర్రస్ గార్డెనింగ్, వర్టికల్ గార్డెనింగ్, హైడ్రోఫోనిక్ సిస్టమ్ వంటి కొత్త పద్ధతులను షోలో ప్రదర్శిస్తామన్నారు. దేశవ్యాప్తంగా ఏపీ, కోల్కతా, ఢిల్లీ, హర్యానా, ముంబై, బెంగళూరు, పుణె, షిర్డీ, కడియం, చెన్నై తదితర ప్రాంతాల నుంచి వచ్చిన ప్లాంట్స్తో 150 స్టాల్స్ ఏర్పాటు చేస్తున్నామని చెప్పారు. మెడిసినల్, కిచెన్, అవుట్ డోర్, బల్బ్, సీడ్, సీడ్ లింక్స్, ఇండోర్, ఆడినియం, బోన్సాయ్, క్రీపర్స్, ఫ్లవర్స్, ఇంపోర్టెడ్ ప్లాంట్స్ ప్రదర్శిస్తామని తెలిపారు.
