దసరా సెలవులు ప్రకటించిన తెలంగాణ సర్కారు
అక్టోబర్ 2 నుంచి 10వ తేదీ వరకు బతుకమ్మ పండుగ
అక్టోబర్ 12న దసరా
అక్టోబర్ 2 నుంచి 14వ తేదీ వరకు సెలవులు
దసరా హాలిడేస్ డిక్లైర్ చేసిన తెలంగాణ ప్రభుత్వం
హైదరాబాద్, సెప్టెంబరు 19
తెలంగాణ రాష్ట్రంలో స్కూళ్లకు 12 రోజుల పాటు దసరా సెలవులను ప్రకటించారు. అక్టోబర్ 2వ తేదీ నుంచి 14 వరకు స్కూళ్లకు దసరా సెలవులు ఉంటాయని రాష్ట్ర ప్రభుత్వం ప్రకటించింది. ఈ మేరకు స్కూల్ ఎడ్యుకేషన్ డిపార్ట్మెంట్ ఉత్తర్వులు జారీ చేసింది. అక్టోబర్ 12న దసరా పండుగ ఉండగా దసరాకు ముందే తొమ్మిది రోజుల పాటు బతుకమ్మ పండుగ నిర్వహిస్తారు. బతుకమ్మ పండగ అక్టోబర్ 2న ఎంగిలిపూల బతుకమ్మతో ప్రారంభమై, దుర్గాష్టమి రోజున సద్దుల బతుకమ్మతో ఆడబిడ్డల బతుకమ్మ సంబరాలు ముగుస్తాయి. అనంతరం రెండు రోజుల తరువాత దసరా పండుగ ఉంటుంది. 12రోజుల సెలవుల అనంతరం 15వ తేదీ నుంచి యథావిధిగా పాఠశాలలు తెరుచుకుంటాయని రాష్ట్ర ఉత్తర్వుల్లో పేర్కొంది.
